10.11.2014
Namazi i sabahut dhe shejtani
![Namazi i sabahut dhe shejtani](images/imgpost/1771_3915539.jpg)
Tregim Islam
Tregohet se një njeri shpejtonte për namazin e sabahut. Ecte në një rrugicë të errët dhe në një moment rrëzohet dhe fëlliqi rrobat në një llom që ishte në rrugë. Njeriu kthehet në shtëpi i ndërron teshat dhe përsëri niset për namazin e sabahut. Duke ecur në atë rrugicë të errët i ndodh e njëjta gjë, përsëri ai shkon në shtëpi i ndërron teshat dhe niset për namazin e sabahut. Kur për të tretën herë niset për në xhami, para vetes sheh një njeri i cili e merr për dore dhe me një qiri e dërgon para derës së xhamisë. Kur arritën tek xhamia ai e pyeti atë që i ndihmoi: “Kush je ti, o njeri?”
Ai i përgjigjet: “Unë jam Iblisi”.
“Përse më ndihmove, atëherë”, - e pyeti i habitur njeriu.
Iblisi i tha: “Kur u rrëzove herën e parë, dhe u ktheve në shtëpi i ndërrove teshat dhe u nise për në xhami, Allahu t’i fale gjunahet tua. Herën e dytë kur u përgatite për namaz Allahu ia fali mëkatet familjes tënde, andaj u frikova që nëse kthehesh edhe për të tretën herë Allahu do t’ua fal mëkatet gjithë qytetit.”
/KBI-Bujanoc.com/
3237 Shikime