Të gjithë e dinë tashmë sfidën me kovën e akullit për t’u ndërgjegjësuar ndaj sëmundjes ALS (Skleroza Amiotrofike Laterale).

Njerëz nga mbarë bota duke përfshirë dhe njerëz të famshëm të fushave të ndryshme u bënë pjesë e kësaj sfide. Pavarësisht vëmendjes së madhe që ju kushtua kësaj sfide, nuk duhet të harrojmë heronjtë të cilët punojnë me orë të tëra në laborator për gjetjen e kurës së kësaj sëmundjeje.

Një hero i tillë është neurologu 64-vjeçar mysliman, Dr. Teepu Siddique, i cili një pjesë të madhe të jetës së tij, mbi 30 vjet ia ka kushtuar përpjekjes për të kuptuar dhe për të gjetur një kurë për sëmundjen ALS.

Kjo sëmundje shkakton mosfunksionim të muskujve të trupit. Aktualisht nuk ka një trajtim efektiv apo kurë. Mësohet se 450,000 njerëz në mbarë botën vuajnë nga kjo sëmundje.

Në vitin 2011, me kërkimin e tij, Dr. Teepu dhe ekipi i tij identifikuan shkakun e ALS-së. Gjetja nga se shkaktohej sëmundja hapi dyer të reja për të gjetur kurën.

Ai tregon se çfarë e ka motivuar për t’i kushtuar kësaj sëmundjeje një pjesë të madhe të jetës së tij: “ALS është një sëmundje shumë tragjike… Është si të jesh i burgosur në trupin tënd. Është një shembull i gjendjes së përgjithshme të njerëzimit, ta ndjesh veten të pafuqishëm dhe të kotë.”/KBI-Bujanoc.com/