Italia mbështet Shqipërinë në integrimin europian

05.05.2014

Italia mbështet Shqipërinë në integrimin europian


Italia mbështet Shqipërinë në integrimin europian

Italia nuk do të reshtë së mbështeturi Shqipërinë në integrimin europian. Presidenti i Senatit Italian Pietrio Grasso, në takimin me kreun e Kuvendit Ilir Meta, njohu progresin e Shqipërisë gjatë viteve të fundit. Por, reformat duhet të vijojnë, tha ai.

Për Kryetarin e Kuvendit Ilir Meta, Italia mbetet një aleat strategjik dhe avokate e Shqipërisë, në rrugën drejt Bashkimit Europian.

Në takim u theksua se Italia është partneri më i rëndësishëm ekonomiko-tregtar dhe se projekti TAP do të forcojë më tej bashkëpunimin mes dy vendeve.

Gjatë vizitës së tij në Tiranë, Presidenti i Senatit italian, Pietro Grasso, është pritur në një takim edhe nga Kryeministri Edi Rama. Marrëdhëniet mes dy vendeve, avancimi i bashkëpunimit ekonomik dhe zhvillimet në rajon ishin disa nga temat e bisedës së përbashkët.

Presidenti Grasso u shpreh se edhe kjo vizitë rikonfirmon lidhjet miqësore mes dy vendeve dhe vëmendjen e veçantë që Italia u jep marrëdhënieve me Shqipërinë, si dhe theksoi angazhimin e Italisë në mbështetje të aspiratës integruese të Shqipërisë në Bashkimin Europian./KBI-Bujanoc.com/

1005 Shikime