28.04.2014
Ushtarët izraelitë arrestojnë djalin 6-vjeçar
Forcat okupuese izraelite vazhdojnë politikën e tyre okupuese, ku përveç tjerash arrestojnë fëmijë të vegjël palestinez. Ngjarja e fundit është shenuar më 23 prill në qytetin e Bregut Perëndimor të Al-Khalil(Hebron).
Videopamjet tregojnë se si ushtarët izraelitë zvarrisnin një djalë gjashtë-vjeçar, ndërsa ai shihej duke qarë dhe kërkonte që të lirohej.
E ushtria vazhdon me po të njëjtat akuza, duke thënë se "djali ishte parë duke hedhur me gurë trupat izraelite".
Pasi një numër i palestinezëve rrethuan ushtarët izraelitë dhe u kërkuan atyre që fëmija të kthehet, oficerë ranë dakord ta kthenin djalin tek ati i tij.
Ministria e Punëve për të burgosurit në Ramallah kohët e fundit publikoi gjetjet që tregojnë se izraelitët arrestuan 900 fëmijë palestinezë vetëm në vitin 2013, 180 prej të cilëve mbeten në burg. /KBI-Bujanoc.com/
779 Shikime